Náttúrumeðferð við streitu
Náttúrumeðferð við streitu
Í samtímanum þykir það sjálfsögð krafa að starfsaðferðir sem notaðar eru í félags- og velferðarþjónustu byggist á gagnreyndri þekkingu. Á síðustu árum hefur þeim fjölgað sem leita sér faglegs stuðnings vegna einkenna langvarandi streitu og kulnunar í starfi. Sýnt hefur verið fram á að meðferð sem fer fram úti í náttúrunni og undir faglegri leiðsögn hefur jákvæð áhrif á líðan og getur stutt þá sem kljást við heilsutengdan vanda við að ná bata og tilfinningalegu jafnvægi. Langvarandi streita er alvarlegur heilsufarsvandi sem hefur hlotið aukna athygli á síðustu árum og er nú oft tengd auknu álagi og því óöryggi sem heimsfaraldur Covid-19 olli (Renov o.fl., 2022; Yildirim og Solmaz, 2022; Griffith, 2020). Í kjölfarið hefur úrræðum fjölgað fyrir fólk sem hefur skerta starfsgetu vegna álags og streitu (Gilse o.fl., 2010; Ilić o.fl., 2017; Mercado o.fl., 2022; Vigdís Jónsdóttir, 2022). Niðurstöður rannsókna hafa bent til þess að meðferð úti í náttúrunni sé hjálpleg þeim sem kljást við streitutengdan vanda (Anna María Pálsdóttir o.fl., 2014; Kaplan, 1995; Sahlin o.fl., 2014; Magnúsdóttir, 2020).
Lýsing:
Hægja á, tengjast náttúrunni í göngu, fræðast og tengja reynslu við daglegt líf.
Fyrir hverja:
Námskeiðið er fyrir alla þá sem vilja tengjast náttúrunni, hægja á hraðanum og eru að takast á við streitu í daglegu lífi. Gangan er hæg.
Markmið:
-
Markmið er að þátttakendur öðlist tengingu við náttúruna og skynji kraftinn sem býr í henni til endurheimtar.
-
Þátttakendur rifji upp færni sína til að tengjast náttúrunni.
-
Þátttakendur öðlist færni til að nýta einfaldar núvitundaræfingar til streitulosunar.
-
Kennsla
Uppbygging er þríþætt.
Kennsla, náttúra, núvitund.
Kennsla
Í hverjum tíma er kennsla sem tengist þemu hverju sinni. Kennslan er mótuð með það að leiðarljósi að þátttakandi taki hana með sér inn í náttúruna og síðar daglegt líf.
Náttúran
Í hverjum tíma er farið út í náttúruna þar sem markmið eru ólík hverju sinni. Þema einkennir hvern tíma þar sem áhersla er lögð á að þátttakandi tengist náttúrunni með ólíkum hætti.
Umbreytandi öndun
Markmið er að þátttakandi nái tengslum við náttúruna og því samhliða sjálfum sér í núvitund með öndun.
Kennari:
Berglind Magnúsdóttir, Félagsráðgjafi MA – MÁPM meðferðaraðili og Transformational Breath Facilitator
Tímasetning:
6. september 2023 kl. 10.00 – 13.00
13. september 2023 kl. 10.00 – 13.00
27. september 2023 kl. 10.00 – 13.00
4. október 2023 kl. 10.00 – 13.00
Tímalengd:
4 vikur – 12 klst.
Staðsetning:
Austurvegur 10 og víða í náttúrunni.
Verð:
54.900,-
Ath - Mörg stéttarfélög og aðrar stofnanir veita styrki vegna námskeiða
